ប្រែសម្រួល៖ តារា

ចៅក្រមសហព័ន្ធកាលពីថ្ងៃអង្គារ (ទី១៨ មីនា) បានហាមឃាត់ជាបណ្ដោះអាសន្ននូវកងទ័ពអាមេរិកពីការអនុវត្តបទបញ្ជារបស់ប្រធានាធិបតី ដូណាល់ ត្រាំ ដែលហាមឃាត់ជនប្ដូរភេទពីសេវាកម្មយោធា ខណៈបណ្ដឹងរបស់សមាជិកសេវាកម្ម និងអនាគតសមាជិកសេវាកម្មចំនួន ២០ នាក់ ដែលប្រឆាំងនឹងវិធានការនេះ កំពុងដំណើរការទៅមុខ។

ចៅក្រមស្រុកសហរដ្ឋអាមេរិក អាណា រេយេស នៅវ៉ាស៊ីនតោន បានរកឃើញថា បទបញ្ជាថ្ងៃទី២៧ ខែមករា របស់លោកត្រាំ ដែលជាបទបញ្ជាមួយក្នុងចំណោមបទបញ្ជាជាច្រើនរបស់ប្រធានាធិបតីគណបក្សសាធារណរដ្ឋរូបនេះ ដែលមានគោលដៅទៅលើសិទ្ធិស្របច្បាប់សម្រាប់ជនអាមេរិកាំងដែលប្ដូរភេទ ទំនងជារំលោភលើការហាមឃាត់នៃការរើសអើងភេទរបស់រដ្ឋធម្មនុញ្ញសហរដ្ឋអាមេរិក។

“ភាពអាណិតអាសូរដ៏ឈឺចាប់គឺថា ជនប្ដូរភេទរាប់ពាន់នាក់ក្នុងសេវាកម្មយោធាបានលះបង់ – ខ្លះប្រថុយជីវិតរបស់ពួកគេ – ដើម្បីធានាសម្រាប់អ្នកដទៃនូវសិទ្ធិការពារស្មើភាពគ្នាដែលការហាមឃាត់យោធាព្យាយាមបដិសេធពួកគេ” លោកស្រី រេយេស បាននិយាយ។

លោកស្រី រេយេស ត្រូវបានតែងតាំងដោយប្រធានាធិបតី ចូ បៃដិន ជាអ្នកដែលជំនួសត្រាំពីគណបក្សប្រជាធិបតេយ្យ។ លោកស្រី ចេនីហ្វើរ លេវី ដែលជាមេធាវីរបស់ដើមបណ្ដឹង បានសរសើរតុលាការចំពោះការដំណើរការ “យ៉ាងកាត់ចិត្ត និងឆាប់រហ័ស”។

“ការសម្រេចនេះមិនដាក់កណ្ដាប់ដៃទេ។ តុលាការបានកត់ត្រាយ៉ាងប្រុងប្រយ័ត្ននូវការខូចខាតជាក់ស្ដែងដែលការហាមឃាត់នេះធ្វើឱ្យប៉ះពាល់ដល់យោធាជនប្ដូរភេទដ៏ក្លាហាន ដែលស្នើសុំមិនច្រើនជាងការបម្រើប្រទេសរបស់ពួកគេដោយកិត្តិយស” លោកស្រី លេវី បានលើកឡើងក្នុងសេចក្ដីថ្លែងការណ៍។ តំណាងសេតវិមាន និងប៉ង់តាហ្គន មិនទាន់ឆ្លើយតបភ្លាមៗទៅនឹងសំណើសុំមតិយោបល់នោះទេ។

ជាការឆ្លើយតបទៅនឹងបទបញ្ជារបស់ត្រាំ កងទ័ពបាននិយាយកាលពីថ្ងៃទី១១ ខែកុម្ភៈថា ពួកគេលែងអនុញ្ញាតឱ្យបុគ្គលដែលប្ដូរភេទចូលរួមក្នុងកងទ័ព និងនឹងបញ្ឈប់ការអនុវត្ត ឬសម្របសម្រួលនីតិវិធីដែលពាក់ព័ន្ធនឹងការផ្លាស់ប្ដូរភេទសម្រាប់សមាជិកសេវាកម្ម។ នៅខែនោះដដែល កងទ័ពបាននិយាយថា ពួកគេនឹងចាប់ផ្ដើមបណ្ដេញសមាជិកដែលប្ដូរភេទចេញ។

លោកត្រាំបាននិយាយក្នុងបទបញ្ជារបស់លោកថា “ការទទួលយកអត្តសញ្ញាណភេទដែលមិនសមស្របជាមួយនឹងភេទរបស់បុគ្គលម្នាក់ មានទំនាស់ជាមួយនឹងការប្ដេជ្ញាចិត្តរបស់ទាហានចំពោះរបៀបរស់នៅដ៏គួរឱ្យគោរព ស្មោះត្រង់ និងមានវិន័យ សូម្បីតែក្នុងជីវិតផ្ទាល់ខ្លួនរបស់អ្នក”។

លោកស្រី រេយេស បាននិយាយក្នុងសេចក្ដីសម្រេចរបស់លោកស្រីថា រដ្ឋាភិបាលបានទទួលស្គាល់ថា ដើមបណ្ដឹងគឺជាទាហានល្អឥតខ្ចោះ និងជាភស្តុតាងរស់ “បុគ្គលដែលប្ដូរភេទអាចមានគំនិតអ្នកចម្បាំង សុខភាពផ្លូវកាយ និងផ្លូវចិត្ត ការមិនគិតពីខ្លួនឯង កិត្តិយស សុច្ចរិតភាព និងវិន័យ ដើម្បីធានាភាពឧត្តមនៃយោធា”។

“ដូច្នេះ ហេតុអ្វីបានជាបណ្ដេញពួកគេ និងទាហានផ្សេងទៀតដែលទទួលបានកិត្តិយសចេញ? បង្កើតចម្ងល់ពីចុងចោទលើសំណួរសំខាន់នេះ” លោកស្រី រេយេស បាននិយាយ។ លោកត្រាំបានចេញបទបញ្ជាប្រតិបត្តិស្រដៀងគ្នាក្នុងអាណត្តិដំបូងរបស់លោក ដែលក្នុងកំឡុងពេលនោះ សមាជិកដែលប្ដូរភេទដែលបានបម្រើការរួចហើយត្រូវបានអនុញ្ញាតឱ្យបន្តបម្រើការ។

ដើមបណ្ដឹងក្នុងបណ្ដឹងនេះបានលើកឡើងថា បទបញ្ជានេះគឺខុសច្បាប់ ដោយចង្អុលទៅការសម្រេចរបស់តុលាការកំពូលសហរដ្ឋអាមេរិកឆ្នាំ២០២០ ដែលថាការរើសអើងការងារប្រឆាំងនឹងជនប្ដូរភេទគឺជាទម្រង់នៃការរើសអើងភេទខុសច្បាប់។

មេធាវីរបស់រដ្ឋាភិបាលបានលើកឡើងក្នុងតុលាការថា កងទ័ពមានសិទ្ធិហាមឃាត់មនុស្សដែលមានលក្ខខណ្ឌជាក់លាក់ដែលធ្វើឱ្យពួកគេមិនសមស្របសម្រាប់សេវាកម្ម ដែលក៏រួមបញ្ចូលទាំងជំងឺបែកបាក់ផ្លូវចិត្ត និងជំងឺសុីមិនព្រម។ នៅសវនាការថ្ងៃទី១២ ខែមីនា ពួកគេបានប្រាប់លោកស្រី រេយេស ថាលោកស្រីគួរតែពន្យារពេលការសម្រេចចិត្តរបស់រដ្ឋបាលបច្ចុប្បន្នថា ជនប្ដូរភេទមិនសមស្របសម្រាប់សេវាកម្ម។

ចៅក្រមបានសង្កត់ធ្ងន់ដដែលៗឱ្យពួកគេបញ្ជាក់ពីជំហររបស់ពួកគេដោយភស្តុតាង និងពេលខ្លះបានបង្ហាញកំហឹងចំហចំពោះភាសារបស់បទបញ្ជាដែលធ្វើឱ្យអាប់ដល់ចរិតរបស់ជនប្ដូរភេទ។
កងទ័ពមានបុគ្គលិកសកម្មប្រមាណ ១,៣ លាននាក់ តាមទិន្នន័យរបស់ក្រសួងការពារជាតិ។ ខណៈពេលដែលអ្នកតស៊ូមតិសិទ្ធិជនប្ដូរភេទនិយាយថា មានសមាជិកសេវាកម្មដែលប្ដូរភេទរហូតដល់ ១៥.០០០ នាក់ មន្ត្រីនិយាយថា ចំនួននេះគឺក្នុងពាន់កម្រិតទាប។

ការហាមឃាត់ទាហានដែលប្ដូរភេទត្រូវបានលើកលែងក្នុងឆ្នាំ២០១៦ ក្នុងអំឡុងពេលអាណត្តិទីពីររបស់ប្រធានាធិបតី បារ៉ាក់ អូបាម៉ា នៃគណបក្សប្រជាធិបតេយ្យ – ប៉ុន្តែគោលនយោបាយបានប្រែប្រួលក្រោមការដឹកនាំរបស់ប្រធានាធិបតីបន្តបន្ទាប់គឺ ត្រាំ ចូ បៃដិន និងឥឡូវ ត្រាំ ម្ដងទៀត៕
ប្រភព៖ Reuters/nh